الحياة ورقة شجر

حكاية شباب كتيير"زجل"

أخدت الشهادة وقلت راح أبقى موظــف

 ف وزارة ولا مصلحة أو حتى فى متحف

 وفضلت مستنى جـواب يقولى وظيــفة

 وعلى مايجى............................

 نزلت أدور على أى لقمــة شريـــفة

 بكـام جنـيه كده علـى كام تعــريـفة

 والحمد لله لاالجواب جه ولا أنالقيت وظيفة

 قلت أروح للحكــومة عـشان مشـروع

أأكل منه عيش بدل ما أموت م الجـــوع

بيقولوا فيه مشاريع لشبـــاب الخريجين

وقالولى فيه ناس كتـــــير مستفيدين

 
’رحت.................................... 

                       وياريتنى ما رحـت!

 لقيت طالـــب الجامعة موقفينه ف سوق

 ده عايز كيلو طماطم وده اتنــين برقوق

 وزميله التانى واقـف بعربــــــية

 بيبــع   أم على ومهـــــــلبية!

 خدت واحد سألته.....ايه بتكون شهادته؟

 قالى خريج حقوق  وواقف تبيع ف سوق!

 صرخت و قلت لأه وجرى رجعت بيتنا

 لقيت زيطة ومولد جوه ف حـــارتنا

 سألت قالولى أصل بسلامته أحمد عبادة

 خلص جامعة وخـد الشــــهادة..

 ضحكت وقلت م كتيير خدوا الشهـادات

 وأخرتها واقفين بيها على عربيـــات

 ومن غير ما أدرى.....................

 لقيت نفسى واقف معـــــــاهم

 و ف قلب السوق بنادى ويــــاهم

 ب اتنين ونص ............ تعال بص

الشهادة الوحيدة المفيدة

06/29/2008

،

04:30 م

.. من قبل mounirbahi

..

..

اهلا بي في مدونتك
نصك يؤكد قدرة اللهجة المصريه على التعبير بخفة دم عن اكثر المشاكل تعقيدا واثارة للحزن...
نعم
يبدو في العالم العربي ان الشهادة الوجيدة المفيدة لصاحبها هي:
شهادة ان لا اله الا الله

تقبل مروري

صدقت

06/29/2008

،

04:33 م

.. من قبل samar14

..

..

صدقت والله وشكرا على مرورك الكريم
تحياتى

حرّر بواسطة samar14 في 06/29/2008 عند 05:34 م

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: